Y deg cerbyd petrol gorau
Y deg cerbyd disel gorau

Rhennir y tablau data i'r rhannau canlynol:

Rhan A - Cerbydau sy’n cwrdd â Chyfyngiadau Allyrru Ewro IV (Y Safon Uchaf)
Rhan B - Cerbydau sy’n cwrdd â Chyfyngiadau Allyrru Ewro III

Dalier Sylw

• Efallai y bydd rhai ceir yn ymddangos mewn mwy nag un Rhan o'r tabl data. Y rheswm dros hyn yw bod gwahanol fanylebau o fodel y cerbyd dan sylw wedi'u cymeradwyo i gyfyngiadau allyrru egsost gwahanol (e.e. Ewro III neu IV). Nid yw newidiadau mewn lefelau allyrru egsosts o reidrwydd yn golygu newid yn nisgrifiad y model. O ganlyniad, dylid taro golwg ofalus dros bob Rhan wrth chwilio am gerbyd. Os nodir Rhif Adnabod y Cerbyd yn nisgrifiad y model mae'n dangos y pwynt lle mae cerbyd penodol yn bodloni'r safon Ewro dan sylw. Os ydych yn dewis car mewn Rhan arbennig, gwnewch yn siwr bod y gwerthwr yn deall eich bod yn chwilio am gar sydd wedi'i gymeradwyo i'r cyfyngiadau sy'n gymwys i'r Rhan honno.

Wrth ddefnyddio’r tablau gwybodaeth, gall fod o gymorth i chi nodi'r canlynol:

• mae'r modelau wedi eu rhestru yn ôl enw’r gwneuthurwr neu fewnforiwr.
• cesglir y ffigurau trwy yrru enghraifft o’r cerbyd a restrir dros lwybr sefydlog mewn labordy ar ffordd sy’n symud o dan amodau sy’n cael eu rheoli’n ofalus. Caiff y cylch profi ei ddisgrifio'n ddiweddarach yn y llyfryn.
• dangosir canlyniadau’r profion defnyddio tanwydd ar ffurf litr i bob 100 cilomedr a milltiroedd i’r galwyn. Ceir siart trosi a ffactorau trosi tu mewn i’r clawr cefn.
• dangosir allyriannau CO₂ a chanlyniadau’r prawf allyriant egsost mewn gramau y cilomedr.
• cyfrifir cost y tanwydd a fyddai ei angen i yrru 12000 milltir trwy gyfuno’r ffigur defnyddio tanwydd a phris cyfartalog y tanwydd sy’n cael ei asesu’n flynyddol. Ar hyn o bryd mae’n 76c/litr ar gyfer petrol, 78c/litr ar gyfer disel a 38c/litr am NPH.
• dangosir y sŵn allanol y mae car yn ei gynhyrchu mewn desibelau fel y caiff ei fesur ar raddfa A ar fesurydd sŵn. Dyfeisiwyd y raddfa A er mwyn 'pwyso' darlleniad y mesurydd sŵn fel ei fod yn gynrychioliadol tecach o'r hyn y mae'r glust ddynol yn ei chlywed. Caiff y prawf sŵn ei ddisgrifio'n fwy manwl yn ddiweddarach yn y llyfryn.
• Mae'n bwysig nodi bod y ffigurau a ddangosir yn y llyfryn wedi eu cynhyrchu i ddiben cymharu gwahanol fodelau ac nad ydynt o reidrwydd yn gyfystyr â’r tanwydd a ddefnyddir, lefelau allyriant, na lefelau sŵn a geir ar y ffordd. Oherwydd hyn fe’ch cynghorir i beidio â graddio cerbydau y rhoddir ffigurau tebyg iawn ar eu cyfer.
• Mae’r amrywiad o brawf i brawf yn y ffigurau ar gyfer allyriant wrth gymeradwyo math (ar ochr dde eithaf y tablau) yn golygu mai prin yw eu gwerth ar gyfer cymharu cerbydau. Ceir rhagor o fanylion yn ddiweddarach yn y llyfryn.
• Caniateir i wneuthurwyr sy’n cynhyrchu ar raddfa fechan ddefnyddio ffigurau o brofion o’r math a gynhelir yn yr UDA er mwyn cael caniatâd i’w gwerthu yn y DU. Mae’r cylch profi a ddefnyddir er mwyn derbyn cymeradwyaeth yn yr UDA yn wahanol i’r un a ddefnyddir yn Ewrop ac felly ni ellir defnyddio cymhariaeth uniongyrchol wrth edrych ar y ffigurau.
  

Mae’r modelau a restrir isod wedi cael eu profi gan ddefnyddio dulliau a ddefnyddir yn yr UDA, ac mae’r ffigurau a gafwyd wedi eu rhestru.

• Gwybodaeth CO₂ – Mae'r ffigurau CO₂ a ddangosir yn gynrychioladol o'r cerbyd a brofwyd a gall y gwerthoedd amrywio rhwng gwahanol fanylebau (amrywiadau/fersiynau) o’r model a ddangosir. Felly, er canllaw yn unig yw'r ffigurau hyn. Gallwch gael y ffigwr cywir am gerbyd o fanyleb benodol (amrywiad/fersiwn) gan y gwerthwr.

MATERION PERTHNASOL ERAILL

Treth Cerbyd – Ers mis Mawrth 2001 defnyddiwyd ffigur CO₂ cerbyd fel sail ar gyfer pennu cyfraddau treth cerbyd, neu “Treth y Ffordd” ar gyfer ceir newydd sy'n cario teithwyr. Nodir ffigwr CO₂ y cerbyd ar y V5 (Dogfen Gofrestru). Gallwch gael rhagor o wybodaeth ar wefan DVLA http://www.dvla.gov.uk/newved.htm. Mae cyfrifydd Treth Cerbyd ar gael ar wefan ATC www.vcacarfueldata.org.uk . Diben y cyfrifydd hwn yw darparu syniad bras o'r Dreth Cerbyd y bydd rhaid i chi dalu ar gar penodol.

Treth Ceir Cwmni - Ers mis Ebrill 2002 mae'r tâl budd-mewn-nwyddau a godir ar gyfer ceir cwmni wedi bod yn seiliedig ar allyriant CO₂ y cerbyd. Bydd pob car cwmni a gofrestrwyd o fis Ionawr 1998 ymlaen yn gorfod talu'r dreth hon. Ceir rhagor o wybodaeth ar wefan Cyllid y Wlad www.inlandrevenue.gov.uk/cars. Bydd y ffigwr CO₂ a ddefnyddir i gyfrifo treth ceir cwmni yn cael ei ddangos ar y V5 (Dogfen Gofrestru) ar gyfer ceir a gofrestrwyd o fis Mawrth 2001 ymlaen. Gwnaethpwyd trefniadau gyda Chymdeithas y Gwneuthurwyr a Gwerthwyr Moduron i ddarparu gwybodaeth hanesyddol am CO₂ ar gyfer ceir a gofrestrwyd rhwng Ionawr 1998 a Mawrth 2001. Gallwch weld y data hyn ar wefan y Gymdeithas http://www.smmt.co.uk/CO₂/CO₂intro.cfm

Rhaglen Powershift – Rhaglen a noddir gan y Llywodraeth yw hon a'i diben yw annog pobl i brynu cerbydau sy'n cael eu rhedeg gan danwydd amgen. Mae Powershift yn darparu gwybodaeth ar bob agwedd o gerbydau sy'n defnyddio tanwydd glân ac fe all, dan rai amgylchiadau, gynnig grantiau i helpu i dalu'r gost ychwanegol o brynu cerbyd tanwydd amgen neu drosi cerbyd i redeg ar danwydd amgen. Ceir rhagor o wybodaeth ar wefan Powershift www.transportenergy.org.uk.

Er mwyn cymharu a dangos yr hyn sy’n bosibl, mae’r tablau isod yn dangos y deg car petrol a’r deg car disel gorau o safbwynt allyriannau CO₂. Cafodd yr holl fodelau a ddangosir eu dewis o’r rhestr lawn. Rhoddir cost y tanwydd at ddibenion cymharu, yn achos unrhyw gerbyd penodol bydd yn ddibynnol ar y tanwydd a ddefnyddir mewn gwirionedd a’r pris a delir am y tanwydd hwnnw. Bydd tabl tebyg ar gerbydau Tanwydd Amgen yn cael ei gynnwys wrth i fwy o wybodaeth ddod i law. Diben y tablau isod yw darparu sampl gynrychioladol. O ganlyniad, os oes sawl gwahanol fanyleb o fodel cerbyd gyda ffigurau defnyddio tanwydd tebyg, yna dim ond unwaith y caiff ei nodi isod.

Y DEG CERBYD PETROL GORA

Y DEG CERBYD DISEL GORAU

Nôl i’r pen

Next Page