SUT MAE DEFNYDDIO’R TABLAU DATA

Cerbydau Petrol Sy’n Gollwng 110g/Km O CO₂ Neu Lai
Cerbydau Disel Sy’n Gollwng 110g/Km O CO₂ Neu Lai

Cerbydau sy’n cwrdd â Chyfyngiadau Allyriadau Ewro 4 ac Ewro 5 (Safonau Presennol)

Wrth ddefnyddio’r tabl gwybodaeth, gall fod o gymorth i chi nodi'r canlynol:

Mae'r modelau wedi eu rhestru yn ôl enw’r gwneuthurwr neu fewnforiwr.

Cesglir y ffigurau trwy yrru enghraifft o’r cerbyd a restrir dros lwybr sefydlog mewn labordy ar ffordd sy’n symud o dan amodau sy’n cael eu rheoli’n ofalus. Caiff y cylch profi ei ddisgrifio'n ddiweddarach yn y llyfryn.

Dangosir canlyniadau’r profion defnyddio tanwydd ar ffurf litr i bob 100 cilometr (l/100km) a milltiroedd y galwyn (myg). Mae siart trosi a ffactorau trosi ar gael yng nghefn y llyfryn.

Dangosir allyriadau CO₂ mewn gramau y cilometr (g/km) (Ewro 4 ac Ewro 5). Dangosir canlyniadau eraill y prawf allyriadau egsôst mewn gramau y cilometr (g/km) ar gyfer ceir Ewro 4, ac mewn miligramau y cilometr (mg/km) ar gyfer ceir a brofir yn ôl Ewro 5.

Cyfrifir cost y tanwydd a fyddai ei angen i yrru 12000 milltir trwy gyfuno’r ffigur defnyddio tanwydd a phris cyfartalog y tanwydd sy’n cael ei asesu’n flynyddol. Ar hyn o bryd, mae’n 112p/litr ar gyfer petrol, a 113p/litr ar gyfer disel, a 62p/litr ar gyfer LPG.

Dangosir y sŵn allanol y mae car yn ei gynhyrchu mewn desibelau fel y caiff ei fesur ar raddfa A ar fesurydd sŵn (dB(A)). Dyfeisiwyd y raddfa A er mwyn 'pwyso' darlleniad y mesurydd sŵn fel ei fod yn gynrychioliad tecach o'r hyn y mae'r glust ddynol yn ei glywed. Caiff y prawf sŵn ei ddisgrifio'n fwy manwl yn ddiweddarach yn y llyfryn.

Nodyn Pwysig. Efallai y bydd rhai ceir yn ymddangos mewn mwy nag un Rhan o'r tabl data. Y rheswm dros hyn yw bod gwahanol fanylebau o fodel y cerbyd dan sylw wedi'u cymeradwyo i gyfyngiadau allyriadau egsôst gwahanol (e.e. Ewro 4 neu Ewro 5). Nid yw newidiadau mewn lefelau allyriadau egsôst o reidrwydd yn golygu newid yn nisgrifiad y model. O ganlyniad, dylid taro golwg ofalus dros bob Rhan wrth chwilio am gerbyd. Os nodir Rhif Adnabod y Cerbyd yn nisgrifiad y model neu flwyddyn ei weithgynhyrchu, mae'n dangos y pwynt lle mae cerbyd penodol yn bodloni'r safon Ewro dan sylw. Os ydych yn dewis car mewn Rhan arbennig, gwnewch yn siŵr bod y gwerthwr yn deall eich bod yn chwilio am gar sydd wedi'i gymeradwyo i'r cyfyngiadau sy'n gymwys i'r Rhan honno.

Mae hefyd yn bwysig nodi bod y ffigurau a ddangosir yn y llyfryn wedi eu cynhyrchu at ddiben cymharu gwahanol fodelau ac nad ydynt o reidrwydd yn gyfystyr â’r tanwydd a ddefnyddir, lefelau allyriadau, na lefelau sŵn a geir ar y ffordd. Oherwydd hyn fe’ch cynghorir i beidio â graddio cerbydau y rhoddir ffigurau tebyg iawn ar eu cyfer.

Mae’r amrywiad o brawf i brawf yn y ffigurau ar gyfer allyriadau llygredd lleol wrth gymeradwyo math (ar ochr dde eithaf y tablau) yn golygu mai prin yw eu gwerth ar gyfer cymharu cerbydau a dylid bod yn ofalus wrth ystyried y ffigurau hyn. Ceir rhagor o fanylion yn ddiweddarach yn y llyfryn.

Gwybodaeth CO₂ - Mae'r ffigurau CO₂ a ddangosir yn gynrychioladol o'r cerbyd a brofwyd a gall y gwerthoedd amrywio rhwng gwahanol fanylebau (amrywiadau/fersiynau) o’r model a ddangosir. Felly, canllaw yn unig yw'r ffigurau hyn. Gallwch gael y ffigur cywir ar gyfer manyleb benodol (amrywiad/fersiwn) gan y gwerthwr.

MATERION PERTHNASOL ERAILL
Treth Cerbyd - Ar gyfer cerbydau a gofrestrwyd ers 1af Mawrth 2001, defnyddir y ffigur CO₂ sy’n ymddangos ar y V5 (Dogfen Gofrestru) fel sail ar gyfer gosod cyfraddau Treth Cerbyd, neu "Dreth Ffordd", ar gyfer ceir cludo teithwyr newydd.

Treth Ffordd ym mis Mai 2010:

 * Mae Band K yn cynnwys ceir â ffigur CO₂ dros 225g/km ond a gofrestrwyd cyn 23 Mawrth 2006.

Nodiadau:
Consesiwn 2009/10:

• Mae’r gyfradd safonol yn berthnasol i bob math o danwydd car
• Disgownt ceir tanwydd amgen 2009-10:£20 i fandiau B-I; £15 i fandiau J-M

Ceir rhagor o wybodaeth am drethu eich cerbyd ar wefan DirectGov: http://www.direct.gov.uk/en/Motoring/OwningAVehicle/HowToTaxYourVehicle/. Mae cyfrifydd Treth Cerbyd ar gael ar wefan yr Asiantaeth Tystysgrifo Cerbydau www.vcacarfueldata.org.uk. Diben y cyfrifydd hwn yw darparu syniad bras o'r Dreth Cerbyd y bydd rhaid i chi dalu ar gar NEWYDD penodol.

Treth Ceir Cwmni – Ers mis Ebrill 2002 mae'r dreth budd-mewn-nwyddau a godir ar gyfer ceir cwmni wedi bod yn seiliedig ar allyriadau CO₂ y cerbyd. Mae pob car cwmni a gofrestrwyd o fis Ionawr 1998 ymlaen yn gorfod talu'r dreth hon. Ceir rhagor o fanylion ar wefan Cyllid a Thollau ei Mawrhydi http://www.hmrc.gov.uk/cars/.  Bydd y ffigur CO₂ a ddefnyddir i gyfrifo treth ceir cwmni yn cael ei ddangos ar y V5 (Dogfen Gofrestru) ar gyfer ceir a gofrestrwyd o fis Mawrth 2001 ymlaen. Gwnaethpwyd trefniadau gyda Chymdeithas y Gwneuthurwyr a Gwerthwyr Moduron i ddarparu gwybodaeth hanesyddol am CO₂ ar gyfer ceir a gofrestrwyd rhwng Ionawr 1998 a Mawrth 2001. Gallwch weld y data hwn ar wefan y Gymdeithas http://www.smmt.co.uk/CO2/CO2intro.cfm. 

Er mwyn cymharu a dangos yr hyn sy’n bosib, mae'r tablau canlynol yn dangos y ceir petrol a disel sy'n allyrru 110g/km neu lai o CO₂, sy’n golygu eu bod yn disgyn i Fandiau A a B y Dreth Cerbyd. Cafodd yr holl fodelau a ddangosir eu dewis o’r rhestr lawn. Rhoddir cost y tanwydd at ddibenion cymharu; yn achos unrhyw gerbyd penodol bydd yn ddibynnol ar y tanwydd a ddefnyddir mewn gwirionedd a’r pris a delir am y tanwydd hwnnw. Diben y tablau yw darparu sampl gynrychioladol. O ganlyniad, os oes sawl gwahanol fanyleb o fodel cerbyd gyda ffigurau defnyddio tanwydd tebyg, yna dim ond unwaith y caiff ei nodi. Noder, mae fersiwn byw o’r data hyn ar gael ar y wefan: http://www.vcacarfueldata.org.uk/information/how-to-use-the-data-tables.asp.

Cerbydau petrol gyda 110g/km neu lai

Cerbydau disel gyda 110g/km neu lai

Cyfnesaf >>